ياسر إبراهيم يكشف عن سياسة مفاجئة من توروب مع لاعبي الأهلي - الأول نيوز

كشف ياسر إبراهيم، مدافع الفريق الأول لكرة القدم بالنادي الأهلي، عن سياسة مفاجئة من قبل الدنماركي ييس توروب، المدير الفني للفريق، مع اللاعبين، على هامش التدريبات، منذ تواجده على رأس القيادة الفنية لـ«الأحمر».

سياسة ييس توروب مع لاعبي الأهلي في التدريبات

وقال ياسر إبراهيم، في تصريحات تلفزيونية: «ييس توروب بيحط كل يوم 10 أسماء لاعيبة في الفريق، وبياخدهم واحد واحد ويقعد معاهم بشكل منفرد، بيفتح لهم فيديوهات لكل واحد، ويعرفه إنه ممتاز في كذا، لكن فيه حاجات ناقصة عنده».

وأضاف مدافع النادي الأهلي: «ييس توروب شغال شغل حلو أوي معانا، وبشكل محترم وهادي جدا، وبيعرف كل حاجة عن كل واحد لوحده، وبيقعد وقت كتير معانا، وإحنا حابين كده أوي ومبسوطين بوجود الراجل معانا».

ياسر إبراهيم: بنتفرج على أي فريق هنلاعبه وبنذاكره كويس

وتابع: «إحنا كدا كدا بنتفرج على أي فريق بنلاعبه وهنذاكره كويس، وإحنا مدافعين بنذاكر مهاجمين الخصم، ونادي الزمالك يمتلك لاعبين مميزين، وعنده خط هجومي مميز، وسيف الدين الجزيري رأس حربة مميز».