أحمد حسن يكشف مفاجأة وراء استبعاد ناصر ماهر من منتخب مصر - الأول نيوز

كشف الإعلامي أحمد حسن عن مفاجأة وراء استبعاد ناصر ماهر لاعب فريق الزمالك من قائمة منتخب مصر والتي ستخوض معسكر نوفمبر استعدادا لبطولة أمم أفريقيا المقرر إقامتها خلال الشهر المقبل بدولة المغرب.

وقال أحمد حسن خلال حديثه عبر قناة dmc :«لازم يكون اللاعب زي ما هو قوي داخل الملعب يكون عنده عقلية قوية برضه ولازم يكون عندك فن التوقيت وتعرف إزاي أعبر عن غضبك وزعلك واترك الناس هي اللي تقول وتجيبلك حقك ما فعله ناصر ماهر بيخسر التعاطف من مصادرنا وبعض أعضاء الجهاز الفني لمنتخب مصر أكدوا إنن سب الاستبعاد مش فني ولكن سبب انضباطي وعنده بعض الأمور الانضباطية في المعسكر وده هو السبب وراء استبعاده».

وكانت قائمة منتخب مصر والتي ستخوض بطولة ودية بمشاركة كل من شهدت غياب ناصر ماهر عنها مما تسبب في غضب اللاعب حيث كتب عبر حسابه انستجرام : «أنا آسف إني بنزل الكلام ده، لأنه مش طبعي خالص، بس بصراحة الوضع محبط جدا بالنسبة لي بسبب قائمة منتخب مصر».

أضاف ناصر ماهر: «بكل صدق، أنا شايف إني أستحق أكون متواجد على الأقل ضمن المنتخب، خصوصا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية حتى الناس العادية بيتكلموا كويس جدا عن أدائي في الفترة الأخيرة».

واختتم لاعب الزمالك: «بصراحة، اللي حصل ظلم ظلم كبير جدًا، وده مالوش علاقة بالكورة، المجهود اللي بذلته كله يروح كده على الفاضي، وأحلامي تضيع بكل سهولة كأنها حاجة عادية، رغم إني عملت كل اللي المفروض أعمله، بجد حرام، اللي بيحصل ده يحبط أي جبل».